Business

Business Archives - COCO FM 98.9

News

News Archives - COCO FM 98.9

news

news Archives - COCO FM 98.9

Mkurugenzi mkuu wa halmashauri ya bandari nchini, nahodha William Ruto, ameibua matumaini mapya kuhusu uboreshaji wa Bandari ya Mombasa baada ya kutangaza hatua mbalimbali za kisasa zinazolenga kuongeza ufanisi wa shughuli za bandari. Akizungumza kwenye kikao na viongozi wa chama cha mawakala wa forodha nchini (KIFWA), nahodha Ruto alisema KPA imeanza kutekeleza miradi muhimu kama kudhibiti kina cha bahari kwa ajili ya kupokea meli kubwa, ujenzi wa Gati ya kwanza katika eneo la Dongo Kundu, pamoja na uendelezaji wa Gati 19B ili kupanua uwezo wa bandari ya Mombasa kushughulikia mizigo zaidi. Alieleza kuwa KPA pia imewekeza kwenye mitambo ya kisasa yenye ufanisi wa nishati, ikiwemo kreni za ‘rubber-tyred gantry’, hatua ambayo itapunguza muda wa meli kukaa bandarini na kuongeza kasi ya kazi. Katika hatua nyingine, Ruto alisema utekelezaji wa mifumo ya kiotomatiki utaongeza kasi ya huduma hususan kwenye lango la bandari, akibainisha kuwa mageuzi ya kidijitali ndiyo dira ya kufanikisha shughuli za bandari kwa viwango vya kimataifa. Pia alisisitiza umuhimu wa bandari ya Lamu, akisema kituo hicho kinazidi kuimarika kama nguzo muhimu ya mradi wa LAPSSET, huku akialika viongozi wa KIFWA kufanya ziara ya kujifunza kwenye bandari hiyo. Kwa upande wake, mwenyekiti wa KIFWA kanda ya Pwani, Rajab Hamisi, aliwapongeza wanachama kwa kazi yao thabiti, na kuishukuru KPA kwa kuendeleza ushirikiano unaolenga kuongeza ushindani na ufanisi katika sekta ya usafirishaji. Taarifa Mwanahabari wetu.

KPA inamatumaini bandari ya Mombasa kuimarika zaidi - COCO FM 98.9

KPA inamatumaini bandari ya Mombasa kuimarika zaidi

Comment

https://backend.cocomedia.co.ke/wp-content/uploads/2025/12/bandari.jpg

Home

COCO FM 98.9

https://backend.cocomedia.co.ke/wp-content/uploads/2024/10/cropped-Cocomedia-Logo-New.png

https://secure.gravatar.com/avatar/f498acb3e6d05ff2e4db9e308e3e11f563ce6dff94ad74c006699a77fe1e8f47?s=96&d=mm&r=g

Mwahoka

Mashirika ya kijamii eneo la Pwani yameingia katika mkataba wa makubaliano wa miaka 3 na kamati ya uwajibikaji Mombasa (MAC) unaolenga kuimarisha uwajibikaji, uwazi, na utetezi wa haki za binadamu katika eneo la Pwani. Kupitia makubaliano hayo, pande hizo mbili zitashirikiana kushughulikia masuala muhimu kama uchambuzi wa sera na sheria, ufuatiliaji wa huduma za umma, ushiriki katika mzunguko wa bajeti, pamoja na kuhimiza uwazi wa matumizi ya fedha za umma. Mwenyekiti wa muungano wa mashirika yasiyo ya kiserikali Pwani Zedekiah Adika, alisema ushirikiano huo unalenga kuimarisha juhudi za utetezi wa haki na uwajibikaji kwa jamii, akisisitiza kuwa ni muungano wa wadau wenye nia njema kuhakikisha kaunti na taifa linaongozwa kwa misingi ya uwazi na uwajibikaji. Kwa upande wake, mwenyekiti wa MAC, Kassim Ziro, alisema ni wakati wa vyama vya wafanyakazi kushiriki kikamilifu katika masuala ya kijamii, kwani changamoto za huduma za umma pia zinawaathiri wafanyakazi kila siku. Taarifa Mwanahabari wetu.

Mashirika ya kijamii pwani kuimarisha uwajibikaji sawa na utetezi wa haki - COCO FM 98.9

Mashirika ya kijamii pwani kuimarisha uwajibikaji sawa na utetezi wa haki

https://backend.cocomedia.co.ke/wp-content/uploads/2025/12/adika.jpg

Serikali ya Marekani imetoa orodha ya wakenya 15 ambao watafurushwa nchini humo. Wakenya hawa ni wale waliokabiliwa na kesi mbalimbali ikiwemo wizi wa mabavu, ulanguzi wa dawa za kulevya na hata wengine kwa kuendesha gari wakiwa walevi. Hii ni sehemu ya awamu ya serikali ya rais Donald Trump kuwaondoa watu inaowataja kuwa ‘wageni wabaya. Majina ya wakenya hao yalichapishwa kwenye tovuti ya umma ilioanzishwa na idara ya usalama wa Marekani inayoonyesha waliolengwa. Miongoni mwa wakenya hao ni Alfred Obiero mkaazi wa jimbo la Colorado ambaye alipatikana na hatia ya kushambulia, kuendesha gari akiwa mlevi na ukatili wa nyumbani. Wengine ni pamoja na Bethwel Gathu, Patrick Mwangi, Daniel Kathuu, Mohammed Chepchekani, Moffat Mureithi, Francis Mungai, Anthoni Karia miongoni mwa wengine. Taarifa kutoka Marekani ilionyesha kuwa kuna wakenya 1,282 wanaoishi Marekani ambao wanalengwa kufurushwa, huku kundi la kwanza la wakenya 15 likiwa limeondoka tarehe 15 mwezi juni mwaka huu. Taarifa ya Joseph Jira

Wakenya 15 kufurushwa nchini Marekani - COCO FM 98.9

Wakenya 15 kufurushwa nchini Marekani

https://backend.cocomedia.co.ke/wp-content/uploads/2025/12/RAIS-MAREKANI.jpg

Gavana wa kaunti ya Kilifi Gedion Mung’aro ametoa hutuba kuhusu mustakabili wa kaunti akiangazia masuala mbalimbali, huku suala la afya likipewa kipau mbele. Hutuba hiyo iliyodumu kwa zaidi ya saa mbili katika bunge la kaunti ya Kilifi mjini Malindi, iliweka wazi jinsi kaunti ilivyopunguza deni iliyokuwa ikidaiwa na Mamlaka ya usambazaji dawa nchini KEMSA. Gavana Mung’aro alisema serikali yake imehakikisha dawa hospitalini zinapatikana, vituo vya afya zaidi vinaidhinishwa sawa na kuhakikisha huduma bora za afya zinatekelezwa. Kuhusu suala la maji, ambalo liligonga vichwa vya habari, gavana Mung’aro alisema bado kuna changamoto, akidokeza kuwa kaunti ya Kilifi kufikia sasa inapokea asilimia 60 ya maji kutoka mradi wa maji wa Baricho, akiitaka serikali kuu kuhakikisha awamu ya pili ya mradi wa Baricho unawanufaisha wakaazi wa Kilifi. Aidha alidokeza kuwa serikali ya kaunti imelipa kipaumbele suala la kilimo ili kuhakikisha sekta hiyo inafanya vyema zaidi, sawa na kuboresha sekta ya elimu. Taarifa ya Joseph Jira

Gavana Mung’aro aelezea mafanikio yake bungeni - COCO FM 98.9

Gavana Mung’aro aelezea mafanikio yake bungeni

https://backend.cocomedia.co.ke/wp-content/uploads/2025/12/WhatsApp-Image-2025-12-10-at-5.32.47-PM.jpeg

Maafisa wa upelelezi wa makosa ya jinai DCI eneo la Nyali kaunti ya Mombasa wamemkamata mshukiwa wa utapeli anayedaiwa kuwalaghai wageni wanaotafta nyumba za kukodisha kupitia mtandaoni maarifu Air BnB jijini Mombasa. Mshukiwa huyo anayefahamika kama Brian Masika, inadaiwa amekuwa akiwavutia wateja wake kupitia picha nzuri za nyumba aliyoiita “Brima Mangu Apartment 2B,” na kuwatoza fedha kisha kutoweka. Inasemekana mnamo Disemba 1,2025, mkazi mmoja wa Nairobi alituma shilingi elfu ishirini na nne baada ya kuamini tangazo hilo la kupendeza lakini alipowasili Mombasa tarehe 4 Disemba, juhudi zote za kumpata Masika zikagonga mwamba, na familia yake kusalia bila makazi. Baada ya kuripoti tukio hilo, DCI walianzisha msako mkali na kwa msaada wa taarifa za kiteknolojia, walifanikiwa kumkamata mshukiwa ambaye sasa anazuiliwa na maafisa wa polisi kabla ya kufikishwa kortini. DCI iliwarai wananchi na wageni kuwa waangalifu wanapotafuta nyumba za kukodi mtandaoni, kwani ulaghai umeongezeka kipindi hiki cha shamra shamra za sikukuu ya Krisimasi na mwaka mpya. Taarifa ya Mwanahabari wetu.

Mshukiwa wa ulaghai mtandaoni akamatwa Mombasa - COCO FM 98.9

Mshukiwa wa ulaghai mtandaoni akamatwa Mombasa

https://backend.cocomedia.co.ke/wp-content/uploads/2025/12/MSHUKIWA.jpg

Wamiliki hoteli zilizofungwa kaunti ya Kilifi wameshinikizwa kuhakikisha wanaziuza kwa wawekezaji wengine iwapo wameshindwa kurejesha huduma katika hoteli hizo. Akizungumza na vyombo vya habari gavana wa kaunti ya Kilifi Gideon Mung’aro amesema kuwa hatua hiyo itasaidia kuhakikisha sekta ya utalii inaimarika ikizingatiwa kwamba ni mojawapo ya kitega uchumi cha kaunti hii ya Kilifi. Aidha gavana Mung’aro ameeleza matumaini ya kuimarika kwa sekta hiyo baada ya kupatikana kwa masoko kwenye mataifa mbalimbali ya ulaya. Kwa upande wake waziri wa utalii na biashara kaunti ya Kilifi Raymond Ngala amehoji kuwa serikali ya kaunti itajizatiti kuboresha sekta hiyo hasa kupitia wa michezo. Ngala amesema kuwa sekta ya utalii iko na uwezo wa kubuni nafasi nyingi za ajira kwa vijana na kupunguza changamoto ya ukosefu ajira, hivyo serikali itahakikisha kuwa sekta hiyo inaboreshwa. “Wale wenye hoteli ambao wanashindwa kuendeleza biashara hiyo wapeane hoteli hizo kwa wawekezaji wengine ili kuendeleza shughuli badala ya kuziacha bila kuendelea ikizingatiwa kuwa uchumi wa kaunti hii unategemea hoteli hizo kupokea wageni.” alisema Ngala. Taarifa ya Pauline Mwango.

Walimiki wa hoteli za kitalii Kilifi wapewa changamoto - COCO FM 98.9

Walimiki wa hoteli za kitalii Kilifi wapewa changamoto

https://backend.cocomedia.co.ke/wp-content/uploads/2025/12/MUNGARO.jpg

Tume ya kitaifa ya kutetea haki za kibindamu nchini KNCHR imesema zaidi ya watu 57 walipitia mateso na hata maafa katika hali tatanishi, mwaka huu wa 2025 pekee. Tume hiyo ilitoa ripoti yake ya kila mwaka, ambapo ilibainisha kwamba mwaka huu pekee kumekuwa na visa 661 vya ukiukaji wa haki za binadamu.  Mwenyekiti wa Tume hiyo Claris Ogangah alisema maafisa wa tume hiyo walibaini kwamba uchaguzi mdogo wa Novemba 27 haukuwa huru na haki na kwamba katika maeneo ya Kasipul uchaguzi huo ulishuhudia maafa ya watu wawili. &#8220;Katika kipindi tulichoandaa ripoti hii, Tume imebaini kupokea jumla ya malalamishi 2,848. Miongozi ya malalamishi hayo ni poamoja na ukiukaji wa haki za kibinadamu&#8221;, alisema Ogangah. Akisoma ripoti hiyo Kamishna wa Tume hiyo Prof Marion Mutugi amesema uchaguzi huo mdogo ulishuhudia pia uwizi wa kura, kwani maafisa wa Tume hiyo ambao walikuwa waangalizi wa uchaguzi walinyima nafasi ya kufuatilia uchaguzi huo. Taarifa ya Mwahoka Mtsumi

KNCHR yatoa ripoti ya ukiukaji wa haki za kibinadamu nchini - COCO FM 98.9

KNCHR yatoa ripoti ya ukiukaji wa haki za kibinadamu nchini

https://backend.cocomedia.co.ke/wp-content/uploads/2025/12/595985222_1302985315203404_2211123966907843922_n.jpg

Wanaharakati wa kutetea haki za kibinadamu nchini Kenya yameitaka Serikali ya Tanzania kusikiliza matakwa ya wananchi wake badala ya kuwatishia kukabiliana nao kikamilifu wakati wakipanga kufanya maandamano ya amani. Wakiongozwa na Mkurugenzi mkuu wa Shirika la Vocal Africa Hussein Khalid, Wanaharakati hao walisema watanzania wamekuwa wakiandamana kwa amani na kulilia haki yao lakini serikali ya Tanzania imekuwa ikiwajibu kwa kuwakandama. Khalid aliwataka watanzania kutorudi nyuma katika kutafuta haki yao, akisema kama watetezi wa haki za kibinadamu katika kanda ya Afrika Mashariki watasimama na watanzania katika kutetea haki yao. &#8220;Sisi kama Watetezi wa haki za kibinadamu tutasimama na watanzania katika kupigania haki yao, na kwamba ni haki ya kila mmoja kuishi kwa amani lakini serikali ya Mama Samia imekuwa ikiwajibu watanzania wanaojitokeza kuandamana kwa amani kwa kuwashambulia na hata wengine kuuwawa&#8221;, alisema Khalid. Kwa upande wake Afisa wa kitengo cha dharura wa Shirika la MUHURI Francis Auma alidai kwamba licha ya kushuhudiwa kwa mauaji nchini Tanzania, serikali ya taifa hilo haijawachukuli sheria waliotekeleza uhalifu huo. &#8220;Ripoti zilionyesha wazi kwamba watu waliouwawa Tanzania ni zaidi ya watu elfu nne na tunashangaa hii serikali ya Mama Samia kwani nini imekosa utu, ni lazima watanzania wapigania haki yao na kukomesha unyanyasaji&#8221;, alisema Auma. Taarifa ya Mwanahabari wetu

Wanaharakati wa kijamii Kenya waahidi kuwatetea watanzania kutafuta haki - COCO FM 98.9

Wanaharakati wa kijamii Kenya waahidi kuwatetea watanzania kutafuta haki

https://backend.cocomedia.co.ke/wp-content/uploads/2025/12/596818911_1277427047765259_5258679700475570111_n-scaled.jpg

Chama cha UDA kimetangaza kumuunga mkono aliyekuwa Spika wa bunge la kaunti ya Kilifi Jimmy Kahindi, kugombea wadhfa wa ugavana wa kaunti ya Kilifi katika uchaguzi mkuu wa mwaka 2027. Katibu mkuu wa Chama cha UDA Hassan Omar Sarai alisema Chama hicho kimechukua uamuzi huo baada ya Mwenyekiti wa bodi ya Halmashauri ya barabara nchini Aisha Jumwa kukihama chama cha UDA. Akizungumza katika kaunti ya Kericho wakati wa kikao cha kuhamasisha umma kuhusu uchaguzi wa viongozi wa mashinani, Sarai alisema kila mmoja ana haki ya kuwania wadhfa wowote wa kisiasa kwani demokrasia ya Kenya inaruhusu. Sarai aliweka wazi kwamba chama cha UDA kitasimamisha wagombea wa nyadhfa mbalimbali kote nchini katika uchaguzi mkuu wa mwaka wa 2027, akisema chama hicho kimejipanga vyema katika uchaguzi huo. Hatua hiyo imejiri baada ya Aisha Jumwa wiki iliyopita kutangaza wazi kwamba alikihama chama cha UDA na kujiunga na Chama cha PAA kinachoongozwa na Spika wa bunge la Seneti Amason Jeffah Kingi. Taarifa ya Mwahoka Mtsumi

UDA kumuunga mkono Jimmy Kahindi kuwania ugavana wa Kilifi - COCO FM 98.9

UDA kumuunga mkono Jimmy Kahindi kuwania ugavana wa Kilifi

https://backend.cocomedia.co.ke/wp-content/uploads/2025/12/597388665_1235803472063396_3006529931922467191_n.jpg

Mahakama ya Kilifi imemhukumu kifungo cha miaka 7 gerezani mwanaume mmoja aliyepatikana na hatia kwa kesi ya biashara ya meno za ndovu baada ya uchunguzi na ushahidi kukamilika. Akitoa hukumu hiyo, Hakimu wa Mahakama hiyo Charles Obulutsa alisema kuwa mshtakiwa Abdallah Mbithi ana siku 14 kisheria za  kukata rufaa endapo hajaridhishwa na hukumu hiyo. Hukumu hiyo ilitolewa baada ya uamuzi wa Mahakama kubaini kwamba Mbithi alipatikana na hatia baada ya Mahakama kuzingatia ushahidi uliotolewa ikiwemo ushahidi wa mshtakiwa wa kujitetea. Hakimu Obulutsa aidha alisema kuwa ndovu wako katika hatari kubwa ya kuuwawa hivyo basi kesi hiyo inayohusisha wanyamapori ina hukumu kali yenye kifungo cha maisha au kutoa faini ya shilingi milioni 20 hivyo mahakama imezingatia malilio yake na kumpuguzia kifungo hicho cha miaka saba. Awali Mahakama ilielezwa kwamba mshtakiwa alipatikana na kipande cha sehemu ya ndovu iliyoshukiwa kuwa pembe ya ndovu ambapo baadaye daktari aliyefanya uchunguzi wa maabara alithibitishia mahakama kwamba kipande hicho ni sehemu ya jino la ndovu na uzani wake ni kilo 3 yenye thamani ya shilingi laki 3. Taarifa ya Teclar Yeri.

Mwanaume wa umri wa makamu ahukumiwa kifungo cha miaka 7 gerezeni - COCO FM 98.9

Mwanaume wa umri wa makamu ahukumiwa kifungo cha miaka 7 gerezeni

https://backend.cocomedia.co.ke/wp-content/uploads/2025/09/1000185307.jpg

Viongozi wa Chama cha ODM wametaka ajenda 10 zilizotiwa saini kati ya Rais William Ruto na Hayati Raila Odinga kutekelezwa kikamilifu kabla ya uchaguzi mkuu wa mwaka 2027.  Viongozi hao wakiongozwa na Kinara wao mpya Dkt Oburu Oginga walisema kutekelezwa kikamilifu kwa ajenda hizo 10 kutaonyesha ukamilifu wa mkataba wa broad-based Government kwa wananchi. Wakizungumza wakati wa halfa ya kuwapokea wabunge wateule wa Chama cha ODM katika makao makuu ya chama hicho jijini Nairobi, viongozi hao walisema ripoti ya NADCO imeangazia masuala muhimu yanayomhusu mwananchi. Hata hivyo Kinara mpya wa chama hicho Dkt Oburu Oginga aliwarai viongozi na wafausi wa ODM kuungana na kushirikiana ili kuhakikisha umaarufu wa chama cha ODM unazidi kushamiri kote nchini. &#8220;Wanachama wa ODM mnafaa kuwa na furaha na ujasiri na pia tunafaa kufanya bidii zaidi kwa sababu kama hatutafanya bidii zaidi na kufanya chama chetu kuwa na umaarufu zaidi basi tutachukuliwa kama watu wasio na maana yeyote&#8221;, alisema Oginga. Taarifa ya Mwahoka Mtsumi

ODM yataka ripoti ya NADCO kutekelezwa kikamilifu - COCO FM 98.9

ODM yataka ripoti ya NADCO kutekelezwa kikamilifu

https://backend.cocomedia.co.ke/wp-content/uploads/2025/12/586024637_4130847548410818_8011128963740675704_n.jpg

Rais William Ruto amevunja kimya chake kuhusu hatamu ya uongozi na kuwakosoa wale wanaoshinikiza kuendelea kusalia madarakani kwa miaka 20 licha ya Katiba ya Kenya kuweka wazi kwamba hatamu ya rais ni mihula miwili. Rais Ruto aliwataka viongozi kuondoa fikra hizo na kuangazia maendeleo, akisema wadhfa wa urais sio kitu rahisi vile baadhi ya viongozi wanavyofikiria na kwamba wadhfa huo una changamoto nyingi. Akizungumza jijini Nairobi, Rais Ruto alisema mda wake wa uongozi ni mihula miwili na utakapokamilika basi ataondoka madarakani na kumuachia kiongozi wengine atakayechaguliwa na wakenya kuwa rais kwa kuzingatia kanuni na sheria za nchi. &#8220;Kuna watu wengine wako na tabia mbaya, wakaenda wakasema huyu mtu amesema atakuwa rais miaka ishirini kwani watu wanafikiria hii kazi ya rais ni kazi rahisi ya kupigiwa kelele kila siku, mimi nangojea siku nitatoka hapa niende mwengine achukue asonge ama namna gani&#8221;, alisema rais Ruto. Kauli yake ilijiri baada ya viongozi mbalimbali nchini hasa wale wanaoegemea upande wa serikali wakiongozwa na Seneta wa Nandi Samson Cherargei, wakipendekeza kubadilisha baadhi ya vipengele vya Katiba ili kuruhusu hatamu ya uongozi kurefushwa hadi miaka 7 badala ya miaka 5 kwa mujibu wa Katiba ya Kenya. Taarifa ya Mwahoka Mtsumi

Rais Ruto: Sina mipango ya kuongeza miaka ya uongozi - COCO FM 98.9

Rais Ruto: Sina mipango ya kuongeza miaka ya uongozi

https://backend.cocomedia.co.ke/wp-content/uploads/2025/11/577762490_1428167275331208_8935300510274099147_n.jpg

Mahakama ya Kilifi imetoa kibali cha kukamatwa kwa washukiwa wawili ya kati ya watatu ambao ni raia wa Italia wanaokabiliwa na mashtaka ya unyakuzi wa ardhi baada ya kukosa kufika Mahakamani. Agizo hilo limetolewa na Hakimu wa Mahakama hiyo Charlse Obulutsa baada ya mshtakiwa mmoja kufika mahakamani na kueleza kwaba kesi hiyo haiwezi kuendelea endapo washtakiwa wa kesi hiyo hawako kamili. Mshtakiwa Armando Tanzini aliagizwa kurudi Mahakamani mnamo tarehe 10 mwezi Disemba mwaka huu ambapo kesi hiyo itasikizwa endapo washtakiwa wenzake ambao ni Pijey Investiment na Pierluigi Caffini watakuwa wameshikwa na kufikishwa mahakamani. Awali Mahakama ilielezwa kwamba mnamo mwaka wa 1994, washtakiwa hao walifanya uhamisho wa shamba nambari ya usajili Chembe /Kibabamshe /408 yenye thamani ya shilingi milioni 165  miliki ya marehemu Kitsao Mashobo Nyaki  kwa kughushi hatimiliki ya ardhi hiyo. Taarifa ya Tecler Yeri

Mahakama ya Kilifi yatoa kibali cha kukamatwa kwa raia wawili wa Italia - COCO FM 98.9

Mahakama ya Kilifi yatoa kibali cha kukamatwa kwa raia wawili wa Italia

Kampeni za uchaguzi mdogo wa ubunge, useneta na uwakilishi wadi katika maeneo mbalimbali, zinatarajiwa kutamatika rasmi siku ya Jumatatu Novemba 24 mwaka huu wa 2025, saa kumi na mbili jioni. Hii ni baada ya Tume huru ya uchaguzi na mipaka nchini IEBC kupitia Mwenyekiti wake Erastus Ethekon kutangaza kipindi cha kampeni kuanza Oktoba 8 hadi Novemba 24 na kwamba zinafaa kufanyika kwa amani. Katika kampeni hizo za lala salama kabla ya dirisha la kampeni kufungwa rasmi na Tume ya IEBC, viongozi mbalimbali ikiwemo wale wa Serikali na upinzani walionekana kuonyeshana ubabe wa kisiasa katika kampeni hizo. Wazee wa Kaya za mijikenda katika eneo la Pwani, Wakiongozwa na Mratibu wa Wazee hao Tsuma Nzai Kombe, wameitaka Tume ya IEBC kuhakikishia chaguzi hizo zinakuwa huru na haki ili kudumisha amani nchini. &#8220;Sisi kama wazee wa Kaya tunataka uchaguzi uwe huru na haki na maafisa wa IEBC wahakikisha wanaandaa uchaguzi wa amani ili kila mmoja awe na haki ya kuchagua kiongozi anayemtaka. Hapa Magarini tunataka amani na sio vurugu kwa sababu watu wenyewe wa Magarini wanapenda amani&#8221;, walisema wazee hao. Kamishna wa IEBC Alutalala Mukhwana amewahakikishia wakenya uchaguzi huru na haki huku akionya kuchukuliwa hatua za kisheria kwa viongozi wanaolenga kuzuru vurugu wakati wa uchaguzi. &#8220;Sisi kama IEBC tumejipanga na tunawaambia watu wa Magarini na kwengine ambako uchaguzi utafanyika kwamba utakuwa huru na haki na maafisa wote wamepewa mafunzo kuhakikisha unatekeleza majukumu yao vyema&#8221;, alisema Alutalala. Taarifa ya Mwahoka Mtsumi

Kampeni za uchaguzi mdogo zatamatika rasmi - COCO FM 98.9

Kampeni za uchaguzi mdogo zatamatika rasmi

https://backend.cocomedia.co.ke/wp-content/uploads/2025/11/587481941_1389164459247456_3837952376857700811_n.jpg

Mwenyekiti wa baraza la magavana nchini Ahmed Abdillahi ameishtumu Wizara ya afya nchini kwa kutoshirikiana na serikali za kaunti katika utekelezaji wa bima ya afya ya jamii SHA. Abdillahi ambaye pia ni Gavana wa kaunti ya Wajir, alisema ni lazima serikali iweke mikakati bora zaidi ya kulinda serikali za ugatuzi kwani zinamchanga mkubwa katika kufanikisha maendeleo ya wananchi mashinani. Wakizungumza katika eneo la Naivasha wakati wa Kongamano la Afya, Magavana walisema Wizara ya Afya inaingilia majukumu ya serikali za kaunti na kuvurugu mpango wa SHA. Magavana hao walisema muingiliano huo wa majukumu kwenye sekta ya afya, kumechangia kucheleweshwa malipo kwa hospitali zinazotoa huduma za afya kupitia mpango wa SHA. Kwa upande wake Waziri wa Afya nchini Aden Duale alisema Wizara yake inaangazia upya mbinu ya kuongeza mgao wa fedha inazilipa. 

Magavana waishtumu Wizara ya afya nchini kwa kutoshirikiana na serikali za kaunti - COCO FM 98.9

Magavana waishtumu Wizara ya afya nchini kwa kutoshirikiana na serikali za kaunti

https://backend.cocomedia.co.ke/wp-content/uploads/2025/11/584521811_1275020684669142_7097953387720896836_n.jpg

Muungano wa mawakala wa usafiri wa baharini nchini (KSAA), umeibua wasiwasi kuhusu ongezeko la gharama za uendeshaji wa shughuli za usafiri wa baharini katika bandari ya Mombasa. Muungano huo pia ulitahadharisha kwamba ucheleweshaji na ukosefu wa ufanisi, unahatarisha ushindani wa bandari hiyo ambayo ni kitovu kikuu cha biashara nchini. Akizungumza na Wanahabari Afisa mkuu mtendaji wa Muungano huo Elijah Mbaru, alisema sekta ya usafiri wa baharini ilikumbwa na mabadiliko makubwa mwaka uliopita, hali iliyosababisha hasara kwa kampuni za usafirishaji. Mbaru alisema meli nyingi zinatumia muda mwingi kusubiri vibali na nafasi ya kudokoa, jambo ambalo limeongeza gharama za mafuta, ada za kuchelewa na gharama nyingine za uendeshaji katika bandari ya Mombasa. Wakati huo huo Muungano huo uliitaka serikali na wadau husika kuboresha ufanisi, kupunguza ucheleweshaji, na kuongeza miundo mbinu ili kuhakikisha bandari ya Mombasa inaendelea kuimarika kimataifa. Taarifa ya Mwanahabari wetu

Muungano wa KSAA waibua wasiwasi kuhusu ongezeko la gharama za bandarini - COCO FM 98.9

Muungano wa KSAA waibua wasiwasi kuhusu ongezeko la gharama za bandarini

https://backend.cocomedia.co.ke/wp-content/uploads/2025/11/bandari.jpg

Wakfu wa George Kithi kwa mara nyengine umepata Tuzo za Africa Champions Awards kwa kutambulika kama Shirika linalotegemewa na wengi katika jamii. Tuzo hizo za Africa Champions Awards ambazo ni Tuzo za kimataifa zilifanyika katika hoteli moja kaunti Mombasa zikilenga kuwapa motisha wadau mbalimbali, mashirika, Wanahabri pamoja na wawekezaji. Masuala yaliyoangaziwa zaidi na wasimamizi wa Tuzo hizo na ambayo yalichangia Wakfu wa George Kithi kupata Tuzo hizo ni pamoja na juhuzi zinazoendeleza na Wakfu huo za kuiwezesha jamii ya kaunti ya Kilifi kujiimarisha zaidi katika masuala mbalimbali. Mpango wa hivi majuzi wa kuwasaidia zaidi ya wakaazi 5,000 kutoka kaunti za Pwani kwa matibabu ya bure kwenye kambi ya matibabu ya bila malipo iliyoandaliwa katika uwanja wa chuo kikuu cha Pwani pamoja na ufadhili wa masomo kwa wanafunzi wasiojiweza, ni kati ya vigezo vilivyoangaliwa na wasimamizi wa Tuzo hizo za Africa Champions Awards. Wakfu huo pia ulitambulika kwa juhudi zake za kuendelea kuisaidia jamii kujiimarisha kiuchumi kama dhamira ya Mkurugenzi wa Wakfu huo Wakili George Kithi, huku suala la kukuza vipaji na kufungua milango ya mustakabali ulio bora zaidi kwa jamii ukichangia zaidi Wakfu huo kupata Tuzo hizo. Hata hivyo Wakili George Kithi, alipongeza Waandalizi wa Tuzo hizo za Africa Champions Awards kwa kutambua juhudi zinazoendelezwa na Wakfu wa George Kithi pamoja na mipango na mikakati ya Wakili huyo kwa jamii ya kaunti ya Kilifi. Taarifa ya Mwahoka Mtsumi

Wakfu wa George Kithi wapata Tuzo za Africa Champions Awards - COCO FM 98.9

Wakfu wa George Kithi wapata Tuzo za Africa Champions Awards

https://backend.cocomedia.co.ke/wp-content/uploads/2025/11/Untitled-design-29.png

Kaimu Spika wa bunge la kaunti ya Taita taveta Anselm Mwadime pamoja na wajumbe wengine wa bunge la kaunti hiyo wamewasilisha hoja yao mbele ya bunge la kitaifa Anselm pamoja na Mwakilishi wadi wa Wundanyi Jimmy Mwamidi na Mwakilishi wadi mteule Shingira Rose, wanataka suala la usimamizi wa mbuga ya Wanyamapori ya Tsavo Mashariki na Tsavo Magharibi kusimamiwa na kaunt ya Taita taveta. Bunge la kaunti ya Taita taveta linasema raslimali hiyo inafaa kuwa chini ya usimamizi wa serikali ya kaunti ya Taita taveta jinsi mbuga ya Wanyamapori ya Amboseli ilivyokabidhiwa serikali ya kaunti ya Kajiado. Viongozi hao waliwasilisha hoja hiyo mbele ya kamati ya kitaifa kuhusu masuala ya umma wakitaka kubadilishwa hadhi ya mbuga ya wanyamapori ya Tsavo Mashariki na Tsavo Magharibi, wakisema mbuga hiyo inapatikana katika kaunti ya Taita taveta. Taarifa ya Mwahoka Mtsumi

Viongozi wanataka mbuga ya Tsavo kusimamiwa na kaunti ya Taita taveta - COCO FM 98.9

Viongozi wanataka mbuga ya Tsavo kusimamiwa na kaunti ya Taita taveta

https://backend.cocomedia.co.ke/wp-content/uploads/2025/11/Tsavo-west-national-park-Kenya-750x450-1.jpg

Katibu katika Idara ya huduma za magereza nchini Dkt. Salome Beacco amesema serikali itahakikisha wafungwa wanapata mazingira bora ya afya, elimu na jamii ili kuwawezesha kurejea katika jamii wakiwa watu waliobadilika. Dkt. Beacco alisema serikali inaendeleza mpango wa kuboresha magereza nchini, ikiwemo kutoa vitanda vipya, mavazi, huduma za maji safi na mafunzo ya stadi za maisha kwa wafungwa pamoja na kushughulikia maslahi ya maafisa wa magereza. Akizungumza wakati wa ufunguzi wa maktaba iliyoboreshwa katika gereza la Jela baridi eneo la Mvita kaunti ya Mombasa, Dkt. Beacco alisema mradi huo ulifadhiliwa na jamii ya Dawoodi Bohras, utachangia kuwapa wafungwa matumaini na dira mpya maishani. &#8220;Tuko na mipango bora kama serikali kuhakikisha wafungwa wanawezeshwa na kuwa katika mazingira bora ya afya, elimu na jamii ili kuwawezeshwa kurejea katika jamii wakiwa watu waliobadilika&#8221;, alisema Beacco. Kwa upande wake Mwenyekiti wa Shirika linaloshughulikia waraibu na wagonjwa wa afya ya akili, Amina Abdallah alieleza umuhimu wa ushirikiano kati ya serikali na sekta binafsi katika kuendeleza miradi ya maendeleo kwenye magereza. Taarifa ya Mwahoka Mtsumi

Beacco: Serikali itahakikisha wafungwa wanawezeshwa ili kusaidia jamii zao - COCO FM 98.9

Beacco: Serikali itahakikisha wafungwa wanawezeshwa ili kusaidia jamii zao

https://backend.cocomedia.co.ke/wp-content/uploads/2025/11/481085101_622072710577068_1146499507178247438_n.jpg

Katibu katika Wizara ya Elimu nchini Julius Bitok, amesisitiza kwamba elimu ya shule za msingi na zile za upili nchini ingali bila malipo  na kwamba mpango huo utaendelea. Bitok, alipinga vikali tetesi ambazo zinaendelezwa nchini kwamba serikali inapanga kusitisha ufadhili wa masomo, akisema mpango wa elimu ya bila malipo utaendelea kote nchini hasa katika shule za umma. Bitok alisema Wizara ya elimu nchini kwa ushirikiano na hazina ya kitaifa itaendelea kutoa fedha kwa shule ili kuhakisha sekta ya elimu inaboreshwa zaidi kote nchini. &#8220;Hakuna mipango yoyote ya kusitisha ufadhili wa masomo, bado utaendelea kwa kuhakikisha shule za msingi na upili ni bure na tunashirikiana na hazina ya kitaifa ili kuhakikisha ufadhili wa elimu unatekelezwa&#8221;, alisema Bitok. Wakati huo huo alisema serikali imepanga kwamba matokeo ya mtihani wa kitaifa wa gredi ya tisa KJSEA yatatangazwa tarehe 11 mwezi Disemba na wanafunzi kupangiwa shule baada ya matokeo hayo sawa na barua za shule walizoitwa kutolewa kabla ya sherehe za Krismas. Taarifa ya Mwahoka Mtsumi

Bitok: Serikali itaendelea na mpango wa ufadhili wa masomo - COCO FM 98.9

Bitok: Serikali itaendelea na mpango wa ufadhili wa masomo

https://backend.cocomedia.co.ke/wp-content/uploads/2025/11/Bitok-1.jpg