Entertainment

Entertainment Archives - COCO FM 98.9

Wimbo Diamond Platnumz na Ciara “Low” umeingia rasmi kwenye chati kubwa za muziki Marekani, ukishika nafasi ya #37 kwenye Billboard Mainstream R&amp;B/Hip-Hop Airplay na #49 kwenye Billboard R&amp;B/Hip-Hop Airplay. Wawili hao waliungana katika wimbo “Low”, wimbo wa mapenzi unaochanganya mizizi ya R&amp;B ya Ciara na melodi za Kiswahili pamoja na midundo ya kipekee ya Bongo Flava ya Diamond Platnumz. Hii ni hatua kubwa sio tu kwa muziki wa Tanzania lakini pia kwa Afrika Mashariki. Kwa mara nyengine tena, Diamond anaonesha uwezo wa wasanii wa Afrika Mashariki kutokea kwenye majukwaa makubwa duniani. Ushirikiano wake na wasanii wa kimataifa kama Ciara unaendelea kufungua milango mipya kwa muziki wa Tanzania na Afrika Mashariki, ukiongeza thamani ya muziki wetu katika soko la kimataifa. Baadhi ya nyimbo za Diamond Platnumz na wasanii wa kimataifa “Wasted Energy” – Alicia Keys ft. Diamond Platnumz. “Waka” – Diamond Platnumz ft. Rick Ross. “Nana” – Diamond Platnumz ft. Flavour (Nigeria). “Inama” – Diamond Platnumz ft. Fally Ipupa. “Kidogo” – Diamond Platnumz ft. P-Square (Nigeria). “African Beauty” – Diamond Platnumz ft. Omarion (USA). “Marry You ” – Diamond Platnumz ft. Ne-Yo (USA)

Wimbo wa Diamond Platnumz na Ciara LOW Waingia Kwenye Chati ya Kimataifa - COCO FM 98.9

Wimbo wa Diamond Platnumz na Ciara LOW Waingia Kwenye Chati ya Kimataifa

Comment

https://backend.cocomedia.co.ke/wp-content/uploads/2025/10/diamond.jpg

Home

COCO FM 98.9

https://backend.cocomedia.co.ke/wp-content/uploads/2024/10/cropped-Cocomedia-Logo-New.png

https://secure.gravatar.com/avatar/1d41f0acaa4c67d07f3af545313789fb5ba59fc8fc42d1d52ece451eac375e1d?s=96&d=mm&r=g

Elvis Baya

Kifo cha Raila Amolo Odinga, maarufu kama Baba, kimeacha pengo kubwa katika historia ya Kenya.Sio tu kwenye siasa, bali pia katika ulimwengu wa sanaa na muziki — ambako wasanii wameamua kumheshimu kwa njia wanayoijua vyema: kupitia sauti zao. Katika kipindi cha siku chache baada ya tangazo la kifo chake (Oktoba 15, 2025), majina makubwa ya muziki kutoka Kenya na nchi jirani yameachia nyimbo za maombolezo, kumbukumbu, na shukrani.Hapa ninakuletea wasanii 5 bora walioongoza kwa ubunifu, hisia, na ujumbe wa heshima kwa Baba. 5. Rayvanny – “Bye Bye Raila Odinga” Kutoka Tanzania, Rayvanny ameonyesha jinsi Raila alivyoenziwa si Kenya pekee bali katika kanda nzima.Katika Bye Bye Raila Odinga, Rayvanny anaimba kwa Kiswahili safi na sauti ya huzuni, akisema “Shujaa hafi, huishi kwenye mioyo yetu.”Wimbo huu ameuachia kwenye streaming platforms ikiwa ni pamoja na YouTube, Boomplay, na Apple Music. 4. Bahati – “Bye Bye Baba” Mwanamuziki wa kizazi kipya Bahati amechanganya mitindo ya injili na afro-pop katika wimbo “Bye Bye Baba”.Anamwimbia Raila kwa uchungu lakini pia kwa shukrani — akimpongeza kwa mapenzi yake kwa watu na imani katika Mungu. Hadi sasa, wimbo huu umeibua mjadala mkubwa mtandaoni, huku mashabiki wakisifu unyenyekevu na uhalisia wa maneno. 3. King Kaka – “Huu Wimbo Ni Wako Baba” Rapa na mshairi King Kaka ametoa wimbo wa hisia, ukiwa zaidi kama spoken word ya kuenzi urithi wa Raila. Kaka Sungura, anazungumzia mapambano ya demokrasia, jela, mateso, na imani ya Baba katika taifa. Kama ilivyo desturi yake, King Kaka anachanganya ushairi, rap na ujumbe wa kizalendo.Wimbo huu umeitwa na mashabiki “barua ya mwisho kwa Baba.” 2. Prince Indah – “Wuod Oganda, Amolo 3 in 1” Kwa mashabiki wa Ohangla, jina Prince Indah halihitaji utambulisho. Katika wimbo huu, Indah anamrejelea Raila kama “mwana wa taifa” (Wuod Oganda), akitumia mchanganyiko wa Ohangla na midundo ya kisasa. Ni utunzi uliojaa methali, sifa, na kumbukumbu za mapambano ya kisiasa ya Raila.Video ya wimbo huu imekuwa gumzo, hasa Nyanza na mitaa ya Kisumu, Nairobi, na Mombasa. 🕊️ 1. Christina Shusho – “Pumzika Baba” Mwanamuziki wa Injili kutoka Tanzania, Christina Shusho, ameweka rekodi kwa kuwa mmoja wa wasanii kwanza kutoa wimbo wa heshima. “Pumzika Baba” ni wimbo wa majonzi unaochanganya sauti tulivu, uimbaji wa kiroho, na ujumbe wa matumaini kwa taifa. Kupitia maneno yake, Shusho anamwita Raila shujaa wa kizazi, mti wa haki, na baba wa matumaini.  Wimbo huu umepokelewa kwa hisia kali mitandaoni, ukisikika sana katika makanisa na redio za ukanda wa Afrika Mashariki na ulimwengu mzima kwa ujumla. DISCLAIMER; Nafahamu fika kuwa wapo wasanii wengine ambao wameinjgia studioni na kufanya ama kutunga nyimbo za kumuenzi baba na juhudi zao nazitambua sana. Kifo cha Raila Odinga kimeamsha wimbi jipya la ubunifu wa muziki — ushahidi kuwa sanaa ina uwezo wa kuhifadhi historia. Kutoka Ohangla hadi Gospel, Hip-Hop hadi Bongo Flava, kila msanii ametoa tafsiri yake ya upendo, heshima na kumbukumbu. Wimbo baada ya mwingine, sauti za Baba zinaendelea kuishi, zikishuhudia urithi wa mtu ambaye aligusa vizazi vingi. “Baba ameondoka, lakini muziki wake utaendelea kuimba hadithi yake.” RIP JAKOM!

Sauti za Maombolezo: Wasanii 5 Bora Waliomwimbia Baba Raila Baada ya Kifo Chake - COCO FM 98.9

Sauti za Maombolezo: Wasanii 5 Bora Waliomwimbia Baba Raila Baada ya Kifo Chake

https://backend.cocomedia.co.ke/wp-content/uploads/2025/10/Untitled-design-11.png

Mchungaji na msemaji wa motisha, Robert Burale, amewashtaki mke wake wa zamani, Rozina Mwakideu, na mtangazaji wa redio na televisheni, Alex Mwakideu, kwa madai ya kumchafulia jina kupitia mahojiano yaliyosambaa mtandaoni. Rozina na Alex, ambao ni ndugu wa damu, wametajwa katika kesi hiyo kama mshtakiwa wa kwanza na wa pili, mtawalia. Kisa Kilivyoanza Burale anadai fidia ya shilingi milioni 20 za Kenya kufuatia mahojiano yaliyochapishwa kwenye YouTube channel ya Alex Mwakideu, yenye kichwa, “Kosa Langu Kubwa Zaidi Lilikuwa Kuolewa na Robert Burale.” Katika nyaraka zilizowasilishwa katika Mahakama ya Hakimu Mkazi wa Milimani, Burale anajitambulisha kama mchungaji anayeheshimika kitaifa, na anasema mahojiano hayo yaliyotangazwa tarehe 4 Oktoba 2025 yalimpaka matope kwa kumwonyesha kama mnafiki, tapeli, mchoyo wa kiakili, na shoga. Madai ya Kudharauliwa na Kudhalilishwa Burale anasisitiza kuwa kauli zilizotolewa katika mahojiano hayo zilikuwa za uongo na zenye nia ya kumharibia sifa, zikilenga kuharibu jina, heshima, na uadilifu wake kama kiongozi wa kiroho na mshauri wa maisha. Aidha, anamtuhumu Alex Mwakideu kwa uzembe wa kitaaluma, akidai kuwa hakuthibitisha madai hayo wala hakumtafuta kwa maoni yake kabla ya kuyatangaza hadharani.Burale pia anadai kuwa Alex alihamasisha watazamaji “kusambaza kwa wingi” video hiyo, hatua iliyochangia madai hayo kusambaa zaidi mitandaoni. Kwenye nyaraka hizo, Burale amenukuu sehemu kadhaa za mahojiano hayo zilizowekwa alama za muda (timestamps), akisema kuwa matamshi hayo yamepunguza heshima yake machoni pa jamii, yamemfanya awe kichekesho, na yamesababisha msongo wa mawazo, hali ambayo imetikisa huduma yake ya kiroho na chanzo chake cha kipato. Madai ya Kisheria Kupitia kesi hiyo, Burale anaomba mahakama itoe amri ya kudumu na ya lazima inayowataka washtakiwa: Kufuta video husika na machapisho yote yanayohusiana nayo; Kutoa msamaha wa hadharani utakaopitishwa kwa upana kupitia vyombo vya habari; Kuhimiza kufutwa kwa marudio yote ya mahojiano hayo kwenye mitandao mingine. Mchungaji huyo pia anadai fidia ya jumla na ya adhabu yenye thamani ya shilingi milioni 20, gharama za kesi, na misaada mingine yoyote ambayo mahakama itaona inafaa. Wakati Huu Kesi hiyo imewasilishwa chini ya utaratibu wa haraka wa mahakama (fast-track), na hadi sasa washtakiwa hawajawasilisha majibu yao rasmi. Ripoti hiyo pia inarejelea kipindi cha tarehe 7 Oktoba 2025 katika Radio 47, ambapo Alex anaripotiwa kujiondoa kwenye baadhi ya kauli zilizotolewa na dada yake katika mahojiano hayo ya awali.

Burale Amalizana Mahakamani na Mke wa Zamani Baada ya Mahojiano ya YouTube - COCO FM 98.9

Burale Amalizana Mahakamani na Mke wa Zamani Baada ya Mahojiano ya YouTube

https://backend.cocomedia.co.ke/wp-content/uploads/2025/10/Copy-of-SCREEN-6.png

Muunda maudhui maarufu kutoka Kenya, Presenter Kai, amewataka wasanii waliojitokeza kwa pamoja kutengeneza wimbo DEDE, Kilifi One, kuufuta kwenye mitandao na kurudi tena studio. Kai, ambaye ni gumzo sasa kwa maudhui yake ya MY WIFE, amesema utunzi wa wimbo huo haukidhi viwango vya ubora unaostahili na umeacha maswali kuhusu ubunifu wa wasanii hao. “Mmeshikana vizuri, mmeenda studio tukidhani mnafanya kitu kizuri. Kumbe mnatuletea wimbo mbovu — halafu bado mkapata ujasiri wa kuuachia! Kwa nini hamkushauriana?” alisema Presenter Video ya Wimbo DEDE uliotungwa na kundi la wasanii wa Kilifi akiwemo PDay na AlKenia Luv Chante ulipakiwa kwenye mtandao wa YouTube siku tatu zilizopita na hadi kufikia wakati tunaachia taarifa hii ulikuwa na 1.9K views. Katika kuelezea dhamira yao, PDay alipost kwenye akaunti yake ya Facebook akisistiza  kuwa kazi hiyo ya DEDE si tu jaribio la kufufua ari ya tasnia ya muziki, bali pia ni hatua ya kujifunza kujitegemea na kujiongoza. Alisema wengi hawajui namna ya kuanza kujisaidia, lakini wakiongozwa kwa mfano mzuri, watapata ujasiri wa kufanya vivyo hivyo. “Tunatoa kazi hii si kwa ajili ya kufufua tasnia pekee, bali pia kama njia ya kujifunza kujitegemea — jambo ambalo wengi wetu hatujui jinsi ya kulifanya. Watu watafanya hivyo hasa baada ya sisi kuongoza kwa mfano.”

Futeni DEDE Mrudi Studio, Presenter Kai kwa Kilifi One - COCO FM 98.9

Futeni DEDE Mrudi Studio, Presenter Kai kwa Kilifi One

https://backend.cocomedia.co.ke/wp-content/uploads/2025/10/Untitled-design_20251004_235105_0000-1.png

Mwanamuziki nyota wa Kenya, Bien-Aimé Baraza almaarufu Bien, amepata nafasi kubwa ya kimataifa baada ya kutajwa miongoni mwa wasanii watakaotumbuiza kwenye tamasha la Afro Nation Portugal 2026. Tamasha hilo, litakalofanyika Julai 3–5 mjini Portimão, Algarve, litawakutanisha nguli wa muziki wa Afrobeats, hip-hop na burudani ya kimataifa. Bien atashiriki jukwaa moja na mastaa wa kimataifa akiwemo Wizkid, Asake, Tyla, Gunna, Mariah the Scientist na Olamide, katika toleo linalotarajiwa kuwa miongoni mwa yale yenye mvuto mkubwa zaidi. Afro Nation limekua tamasha kubwa zaidi duniani la kusherehekea muziki wa Afrobeats na urban, likivutia makumi ya maelfu ya mashabiki kutoka kila pembe ya dunia. Hii nakuwa hatua nyingine muhimu katika safari ya Bien kama msanii wa kujitegemea. Akitambulika kwa sauti yake ya kipekee na uandishi wa nyimbo wa hali ya juu, Bien ameendelea kujijenga kama mmoja wa watumbuizaji mahiri barani Afrika. Kujumuishwa kwake kwenye orodha ya wasanii wa Afro Nation kumepokelewa kwa shangwe na mashabiki, wakikitaja kama wakati wa kihistoria unaoimarisha nafasi ya Kenya katika jukwaa la muziki wa kimataifa. Kwa Bien, tukio hili si tu ushindi wa kibinafsi, bali pia ni hatua ya kupeperusha bendera ya Kenya kwa fahari. Kwa miaka mingi, amekuwa akizungumza kwa msisimko kuhusu haja ya wasanii wa Kenya kupenya katika masoko ya kimataifa, akisisitiza uimara, ubunifu na ushirikiano wa kimataifa kama nguzo kuu za mafanikio. Bien alijitokeza kwa mara ya kwanza kama mmoja wa waanzilishi wa kundi la Sauti Sol, bendi ya Afro-pop iliyoshinda tuzo na kujulikana katika bara zima la Afrika. Kupitia vibao maarufu kama Suzanna, Sura Yako na Short N Sweet, kundi la Sauti Sol lilijipatia umaarufu kwa mchanganyiko wao wa kipekee wa Afrobeat, R&amp;B na midundo ya sauti za kuvutia. Kundi hilo liliendelea kushinda tuzo mbalimbali za bara, ikiwemo MTV Africa Music Awards, na hata kuteuliwa kwa tuzo za BET. Baada ya kutangaza kupumzika ili kila mmoja afuate miradi ya kibinafsi, Bien alijidhihirisha haraka kama nguvu ya kipekee katika muziki. Nyimbo zake binafsi na ushirikiano wake na wasanii wengine zimekuwa zikishika nafasi za juu kwenye chati za muziki nchini Kenya na nje, huku uwazi wake katika masuala ya mapenzi, udhaifu wa kibinadamu na afya ya akili ukimfanya azidi kuwapendekea mashabiki. Kuutumbuiza katika Afro Nation kunachukuliwa kama fursa ya kubadilisha kabisa mwelekeo wa maisha ya muziki wa msanii. Matoleo ya awali yamemkaribisha wakali wa kimataifa kama Burna Boy, Davido, Megan Thee Stallion na Chris Brown, jambo lililolipa tamasha hili sifa ya kuwa jukwaa kuu la kuonesha ubora wa Afrobeats na muziki wa diaspora. Kuwepo kwa Bien jukwaa moja na mastaa kama Wizkid na Asake kutamwezesha kufikiwa na mashabiki wapya na kuendelea kujenga ufuasi wa kimataifa. Kwa mashabiki wa Kenya, huu ni wakati wa fahari kuona mmoja wao akiwakilisha katika jukwaa lenye heshima kubwa kama hili. Onyesho la Bien linatarajiwa kuwa moja ya vivutio vikuu vya tamasha hilo, na wengi wanaamini litafungua sura mpya katika safari yake kama msanii wa kujitegemea

Bien Kupeperusha Bendera ya Kenya Afro Nation Portugal 2026 - COCO FM 98.9

Bien Kupeperusha Bendera ya Kenya Afro Nation Portugal 2026

https://backend.cocomedia.co.ke/wp-content/uploads/2025/10/Untitled-design-2.png

Uhasama wa muda mrefu kati ya mastaa wakubwa wa rap, Cardi B na Nicki Minaj, umeibuka tena, ukifufua moja ya bifu maarufu zaidi katika historia ya hip-hop. Drama hii imehamia mitandaoni baada ya Nicki kuonekana akikejeli albamu mpya ya Cardi Am I the Drama? huku akitoa kauli zenye kugusia ujauzito wake. Nicki Minaj, mwenye umri wa miaka 42, amezua utata baada ya kushiriki meme kwenye akaunti yake ya X akiwa ameambatanisha na maneno ya kitata: “Raw doggin pregnant wit dat 4th babeeee Barney B. BV. HPveeeeeee Allegedlyyyyyy.” Cardi B, mwenye umri wa miaka 32, hakupoteza muda kujibu mashambulizi. Katika posti yake, alimshutumu Nicki kwa kuendelea kuzungumzia ujauzito wake mara kwa mara huku akimkejeli pia kuhusu changamoto zake za kupata mtoto. &#8220;Sawa basi, sasa hii ndiyo tweet ya tatu unayoongelea kuhusu ujauzito wangu… kama vile hukua ukihangaika kutoka kliniki moja ya fertility hadi nyingine kwa sababu huwezi kuzaa, eti mayai yako yaliharibika kwa sababu ya hizo dawa ulizokua unatumia. Sio ‘allegedly’… Mungu walinde watoto wangu,&#8221; Cardi aliandika. Baada ya hapo, aliongeza pigo lingine akimkemea Nicki kwa kulinganisha kazi zao moja kwa moja: &#8220;Kwa nini unaendelea kuzungumzia albamu yangu?? Uko kwenye muziki miaka 16 sasa. Unatakiwa ujilinganishe na wenzako—Rihanna, Taylor Swift, Drake. Hao ndio namba zako za kushindana nazo. Mimi nilikua bado sekondari ulipoanza. Kwa nini unajilinganisha na mimi??&#8221; Kwa kuweka bifu hili kwenye msingi wa tofauti ya vizazi, Cardi alimuweka Nicki kama aliyeachwa nyuma kwa kung’ang’ania kulinganisha mafanikio yao licha ya kuanza safari zao katika vipindi tofauti. Hii si mara ya kwanza wawili hawa kugongana. Tensi kati yao ilianza mwaka 2017 baada ya Cardi kung’aa kimataifa kupitia Bodak Yellow, jambo ambalo wengi waliliona kama tishio kwa ushawishi wa Nicki. Mabishano yao yaliwahi kufikia kilele mwaka 2018 katika New York Fashion Week walipoingia kwenye ugomvi wa moja kwa moja. Tangu hapo, wamekuwa wakirushiana maneno makali kupitia mahojiano, muziki, na mara kwa mara mitandaoni. Kama ilivyotarajiwa, bifu hili limegawanya tena mashabiki wao. Mashabiki wa Nicki, wanaojulikana kama Barbz, na wale wa Cardi, Bardi Gang, wamefurika kwenye majukwaa kama X na Instagram wakipiga hashtags, memes na mijadala mikali. Wakati baadhi ya mashabiki wakitoa wito wa umoja kati ya wakali hawa wawili wa rap, wengine wanasisitiza kwamba kurushiana maneno huku ndiko kunakoipa rap uhai na ushindani. Kwa sasa, Nicki bado hajajibu moja kwa moja mashambulizi ya Cardi. Lakini kutokana na historia yao ya makabiliano ya muda mrefu, mashabiki wanasubiri drama zaidi katika siku zijazo. Kwa muda huu, mgongano wao unasalia kuwa kumbusho la jinsi bifu za mizani kubwa zinavyoendelea kuunda tasnia ya hip-hop—ambapo migongano binafsi mara nyingi huibuka hadharani, ikichochea mijadala, mgawanyiko, na vichwa vya habari duniani kote.

Cardi B vs Nicki Minaj: Bifu La Vizazi Laibuka Tena - COCO FM 98.9

Cardi B vs Nicki Minaj: Bifu La Vizazi Laibuka Tena

https://backend.cocomedia.co.ke/wp-content/uploads/2025/09/Untitled-design-1.png

Mwanamuziki maarufu wa Dancehall, Vybz Kartel, amesisimua mashabiki mtandaoni baada ya kujibu comment kwa lugha ya Kiswahili. Msanii huyu kutoka Jamaica, anayejulikana pia kama World Boss, aliwashangaza wafuasi wake wa Afrika Mashariki kwa majibu hayo, ishara tosha ya upeo wa ushawishi wake duniani. Tukio hilo lilitokea kwenye ukurasa wake wa Instagram, baada ya shabiki kuandika, ‘Wewe sasa ume zidi’. Kartel, anayejulikana kwa majibu yake ya papo kwa papo na ucheshi kwenye mitandao ya kijamii, alijibu kwa maneno mafupi: ‘Najua’. Jibu hilo lilienea kwa kasi mtandaoni, huku mashabiki kutoka Kenya na Tanzania wakimiminika kwenye sehemu ya maoni. Wengi walifurahia kuona Kartel akitumia Kiswahili, lugha inayozungumzwa sana Afrika Mashariki. Kwa mashabiki wengi, jibu lake la neno moja lilithibitisha kwamba Kartel amekuwa akifuatilia kwa karibu mashabiki wake wa Afrika Mashariki, ambapo muziki wa dancehall una mashabiki wa dhati. Katika wiki za hivi karibuni, msanii huyu mashuhuri amekuwa akitrend kutokana na vipande vya video vya burudani, akionekana akijibebea midundo na sauti maarufu. Cha kuvutia ni kwamba baadhi ya sauti hizo zinazovuma zimetokea Kenya, jambo linaloongeza ukaribu wake na mashabiki wa Afrika Mashariki. Mtindo wake huu wa kuburudisha umeibua mijadala kuhusu jinsi nyota wa kimataifa wanavyozidi kuunganishwa na mashabiki wa Kiafrika kwa njia za kipekee na zinazohusiana moja kwa moja na maisha yao.

Najua: Vybz Kartel Aigusa Afrika Mashariki kwa Neno Moja la Kiswahili - COCO FM 98.9

Najua: Vybz Kartel Aigusa Afrika Mashariki kwa Neno Moja la Kiswahili

https://backend.cocomedia.co.ke/wp-content/uploads/2025/09/hq720.jpg

Malkia wa Bongo Flava, Zuchu, ametuhumu hadharani Shirikisho la Soka Barani Afrika (CAF) kwa kushindwa kumlipa baada ya kutumbuiza katika fainali za Mashindano ya Mataifa ya Afrika kwa Wachezaji wa Ndani (CHAN) 2024. Kupitia mitandao yake ya kijamii, Zuchu ameonyesha wazi kutoridhishwa na CAF pamoja na mawakala wao, akilalamikia kutolipwa stahiki zake licha ya kutekeleza majukumu yake kikamilifu. Malalamiko hayo ya msanii huyo yamewekwa wazi kupitia chapisho kwenye ukurasa wake wa Instagram lenye kichwa cha habari: &#8220;Malipo ya CHAN 2024 Bado Hayajatolewa kwa Onyesho Lililokamilika.&#8221; Malalamiko hayo yanahusu ucheleweshaji wa malipo kufuatia onyesho alilolifanya tarehe 30 Agosti 2025 jijini Nairobi, Kenya. Kupitia chapisho lake, Zuchu alieleza kuwa malipo hayo yalipaswa kulipwa mara moja baada ya onyesho, kulingana na makubaliano yaliyofikiwa na kampuni ya LEAP Creative Agency, waliokuwa wakala walioteuliwa na CAF. &#8220;Natumai ujumbe huu unakufikia salama. Ninaandika kueleza hofu na kukatishwa tamaa kwangu kuhusu malipo ambayo hadi sasa sijapokea kufuatia onyesho langu la hivi karibuni jijini Nairobi, tarehe 30 Agosti 2025,&#8221; Zuchu alilalamika. Timu ya usimamizi ya Zuchu imekuwa ikifanya mawasiliano ya mara kwa mara na wakala husika, lakini hadi sasa tatizo hilo halijapatiwa suluhisho. Msanii huyo alieleza kuwa timu yake ilitumiwa vielelezo vya malipo ambavyo havikuweza kuthibitishwa, vilikuwa na mashaka, na kwa wazi kabisa havikuonyesha kuwa malipo hayo yalishawasilishwa. Hali hiyo ilimfanya kuamini kuwa kuna ucheleweshaji wa makusudi katika kutekeleza wajibu wa kifedha. Zuchu alionyesha masikitiko, akisema licha ya yeye kutimiza kikamilifu sehemu yake ya makubaliano kwa kutoa onyesho la kiwango cha juu, bado hajalipwa. Aidha, alifichua kuwa alikataa mialiko mingine ya matamasha ili kutoa nafasi kwa tukio hilo la fainali za CHAN. “Ni jambo la kusikitisha sana kuona kwamba kiwango kilekile cha weledi ambacho mimi nilikionyesha hakijarejeshwa upande wa utekelezaji wa wajibu wenu wa kifedha,” alisema Zuchu. “Kama msanii, natarajia kutendewa kwa heshima na haki ambayo kila msanii wa kitaalamu anastahili. Ucheleweshaji huu siyo tu kwamba hauna haki, bali pia haukubaliki kabisa. Kama msanii, nililazimika kufuta matamasha mengine niliyokuwa nimepangiwa ili kutoa nafasi kwa tamasha hili la fainali. Sikutegemea kutendewa kwa njia isiyo ya haki namna hii,” aliongeza. Zuchu, alikuwa miongoni mwa wasanii waliopamba tamasha la kufunga pazia la mashindano ya CHAN 2024, yaliyofanyika kwenye Uwanja wa Kimataifa wa Moi, Kasarani, jijini Nairobi. Zuchu alitumbuiza jukwaa moja na Eddy Kenzo kutoka Uganda pamoja na Savara kutoka Kenya — katika usiku wa burudani uliowakutanisha mastaa wakubwa wa muziki kutoka ukanda wa Afrika Mashariki. Mashindano hayo yalikuwa ya kihistoria, kwani kwa mara ya kwanza yalifanyika kwa ushirikiano wa pamoja kati ya Kenya, Tanzania, na Uganda. Uamuzi wa kushirikiana katika uandaaji wa CHAN 2024 ulitafsiriwa kama ishara ya mshikamano na maono ya pamoja kwa mustakabali wa soka la ukanda huu. Mchezo wa fainali uliwakutanisha mabingwa wa mara mbili Morocco, dhidi ya Madagascar waliokuwa wakicheza fainali yao ya kwanza kabisa katika historia ya mashindano haya.

Burudani Bila Malipo? Zuchu Aishtumu CAF - COCO FM 98.9

Burudani Bila Malipo? Zuchu Aishtumu CAF

https://backend.cocomedia.co.ke/wp-content/uploads/2025/09/1606078627_7716_b.jpg

Mojawapo ya sauti kubwa zaidi nyuma ya mafanikio ya muziki wa wasanii wengi Kenya, Producer lejendari J-Crack, amezungumza na Coco FM kuhusiana na posti ya Susumila aliyosherehekea miaka 18 tangu kutolewa kwa wimbo wa kihistoria – Siasa Duni. Katika mahojiano hayo, J Crack hakuishia tu kupongeza kazi hiyo, bali alichambua kwa kina maana halisi ya kazi kama hiyo kwa kizazi cha sasa, huku akifichua changamoto kali alizokumbana nazo hivi karibuni. “Siasa Duni” Ni Timeless – Na Sio Wimbo Wetu Tu Kwa maneno yenye uzito mkubwa, J Crack alisema: “Siasa Duni ni wimbo timeless wenye impact sana. Ule wimbo hauna mipaka na hauna time. Ni wimbo mkubwa sana – classic. Sio wetu pekee yetu lakini pia kila nchi duniani. Huo ndio wimbo mkubwa sana ambao umebaki imara zaidi kati nyimbo zote za siasa.” Kwa J Crack, Siasa Duni si kazi ya kawaida, bali ni kazi iliyopenya mipaka ya wakati na kijiografia, na inastahili kuheshimiwa kama nyimbo za kizazi kilichotangulia kilichotumia muziki kama silaha ya mabadiliko. Katika ujumbe wa moja kwa moja kwa wanasiasa na viongozi, J Crack alitoa rai ya dhati: “Sio upatane na watu kidogo uamue kile unachotaka kufanya. Wanasiasa waingie nyanjani, wapate maoni ya wananchi na masaibu yao&#8230; Watuskize vilio vyetu.” Akiwa amezuru nchi kadhaa, J Crack alisema amejionea jinsi wanasiasa wa mataifa mengine wanavyoshirikiana moja kwa moja na wananchi kuleta maendeleo – jambo ambalo, kwa mtazamo wake, bado ni changamoto Kenya. Akizungumzia hali ya muziki kwa kizazi kipya, Producer huyo mkongwe alisema wazi kuwa vijana wengi wa sasa hawataki kusikiliza wazee wa game, na wanakimbilia staili za nje kabla ya kujifunza misingi: “Unajua mara nyingine hawataki kutuskiza sisi ambao tumekaa sana&#8230; Wakiamini wanauwezo kwa sababu wanasikiliza kina Drake, sawa. Ila nasi tukitoa vitu vyetu – tutapiga hela. Mziki unabadilika ndio, lakini je, kile unachokiimba kinarelate na watu ambao unawaimbia? Hii ni changamoto kwa wasanii chipukizi: kuunda kazi zenye maana, si tu za virality. Muziki unaobeba ujumbe wa jamii, kama Siasa Duni, haupitwi na wakati.&#8221; Masaibu ya Studio Mbali na mijadala ya muziki, J Crack alifunguka pia kuhusu tukio la kusikitisha – kuporwa vifaa vyake vya kazi, tukio ambalo liliathiri uendeshaji wa studio na miradi aliyokuwa akifanyia kazi: “Polisi walifika, wakaja kuangalia vile kulikuwa&#8230; Wakapiga picha na kuniacha ning&#8217;ang&#8217;ane ila sijafa moyo&#8230; vyombo sijavipata. Hakuna kilichoonekana mahali kinauzwa.” Kwa juhudi binafsi, J Crack amesema ameanza kujikusanya tena sawa: “Waliachia speaker ndogo na microphone. Nimenunua CPU, TV, sound card, na speaker&#8230; Tumeungaunga na tunasonga mbele.” Miradi Iliyoathirika: Hasara Inayokaribia Milioni Kulingana na Producer huyo, miradi kadhaa ya muziki iliharibiwa katika tukio hilo – ikiwemo EP iliyokuwa na nyimbo 9, na pia baadhi ya kazi za wasanii wengine kama Susumila: “EP ilikuwa na nyimbo 9&#8230; Project nyingine nilikuwa nimemaliza, niko nazo, lakini master zenyewe sina. Kuna project za Susumila pia. Media ikamnukuu vibaya&#8230; Lakini ukweli ndio huo.” Kwa makadirio yake, hasara ya vifaa na kazi za muziki iliyopotea inakadiriwa kuwa: “Hesabu za haraka upesi vi kwamba nimepoteza kati ya Ksh 250k na Kshs 300k ya vifaa vilivyoibwa. Ukichanganya na project zilizokuwa kwa mpango, inafika zaidi ya milioni.” Producer huyo ametoa mwito wa wazi kwa kizazi kipya akisema; “Watuskize&#8230; Wako na vitu vya kujifunza kutoka kwetu.”

Siasa Duni Si Wimbo wa Kenya Tu, Ni Classic ya Dunia, Afunguka J-Crack - COCO FM 98.9

Siasa Duni Si Wimbo wa Kenya Tu, Ni Classic ya Dunia, Afunguka J-Crack

https://backend.cocomedia.co.ke/wp-content/uploads/2025/09/Copy-of-SCREEN-3.png

Rapa maarufu duniani, Cardi B, mwenye umri wa miaka 32, ametangaza kuwa anatarajia mtoto wake wa nne, na huyu atakuwa wa kwanza na mpenzi wake mpya, mchezaji wa NFL, Stefon Diggs. Akitangaza habari hizo katika mahojiano na Gayle King kwenye kipindi cha CBS Mornings, Cardi B alithibitisha kuwa anatarajia kujifungua kabla ya kuanza ziara yake inayosubiriwa kwa hamu mwezi Februari mwakani. “Natarajia mtoto na mpenzi wangu, Stefon Diggs,” alisema Cardi katika kipande cha mahojiano kilichorekodiwa awali. Nyota huyo aliyezaliwa Bronx, ambaye jina lake halisi ni Belcalis Almanzar, aliongeza kuwa anajisikia “mwenye furaha” na “amefurahishwa” na ujauzito huo. “Nahisi niko katika nafasi nzuri. Najisikia mwenye nguvu sana, mwenye uwezo mkubwa kwamba ninafanya kazi yote hii huku nikibeba mimba,” alieleza. Tangazo lake linakuja wakati anajiandaa kuachia albamu yake ya pili, Am I the Drama?, kesho tarehe 19 Septemba. Mradi huu—ambao ni wa kwanza tangu albamu yake ya mwaka 2018 iliyoshinda Grammy, Invasion of Privacy—unatarajiwa kuwa na ushirikiano mkubwa na wasanii wakubwa kama Janet Jackson, Selena Gomez, na Lizzo. Cardi B alimsifia Stefon Diggs kwa namna anavyomfanya ajisikie salama, akisema: “Ananifanya nijisikie salama, nina kujiamini, na mwenye nguvu. Wiki mbili zilizopita, nilikuwa karibu kupata mshtuko wa hofu kuhusu uzinduzi wa albamu, lakini alinisaidia kutulia. Kujisikia salama na kuwa na kujiamini kunakufanya uhisi unaweza kuuteka ulimwengu.” Cardi B na Diggs walihusishwa kimapenzi kwa mara ya kwanza mwezi Oktoba mwaka jana. Walithibitisha uhusiano wao rasmi mwezi Mei walipohudhuria pamoja mechi kati ya Boston Celtics na New York Knicks katika ukumbi wa Madison Square Garden. Stefon Diggs ni nani? Stefon Diggs, mwenye umri wa miaka 31, ni mchezaji wa nafasi ya wide receiver katika ligi ya NFL, ambaye hivi karibuni amejiunga na timu ya New England Patriots baada ya kung’ara kwa misimu kadhaa akiwa na Buffalo Bills. Diggs anajulikana kwa kasi yake, ustadi wa kukimbia njia za pasi (route-running), na uwezo wake wa kushika mipira migumu (game-changing catches). Amechaguliwa mara kadhaa kushiriki Pro Bowl na anachukuliwa kama mmoja wa wachezaji bora zaidi wa nafasi yake katika ligi hiyo.

Cardi B Atangaza Ujauzito Kwenye Mahusiano yake Mapya na Stefon Diggs - COCO FM 98.9

Cardi B Atangaza Ujauzito Kwenye Mahusiano yake Mapya na Stefon Diggs

https://backend.cocomedia.co.ke/wp-content/uploads/2025/09/Copy-of-SCREEN-1-5-scaled.png

Emillianah, muunda maudhui maarufu Kenya, amekuja hadharani na kuthibitisha kuwa hana uhusiano wa kimapenzi na mchekeshaji na muunda maudhui, Mulamwah, akimaliza uvumi uliokuwa ukizunguka kuhusu uhusiano wao. Uvumi huu ulianza baada ya wawili hao kuonekana pamoja kwenye picha na video kadhaa, jambo ambalo lilifanya mashabiki waone kuwa huenda walikuwa zaidi ya marafiki. Gumzo liligeuka na kuchukua mkondo mpya baada ya Mulamwah kufuta picha zote za Emillianah kwenye akaunti yake ya Instagram. Kupitia mitandao yake ya kijamii, Emillianah alitoa tamko rasmi akikanusha vikali madai ya kuwa na mahusiano na Mulamwah. Alisisitiza kuwa yeye ni single na hana uhusiano na mtu yeyote, akisema kuwa watu waepuke kueneza taarifa zisizo za kweli. Tamko hili limetolewa kama majibu kwa minong&#8217;ono na mijadala inayozunguka uhusiano wao, ambapo Emillianah ameonyesha umuhimu wa kuzungumzia mambo kama haya kwa uwazi na kutuliza hali ya wasiwasi kwa mashabiki wake. Kwa sasa, inaonekana kwamba Emillianah amedhibiti uvumi huo na kuruhusu mashabiki wake kuzingatia kazi yake badala ya maisha yake binafsi. &#8220;Nataka tu kufafanua kuwa mimi sina mtu, sioni wala sitoki na mtu yeyote,&#8221; aliandika kwenye wa Instagram. Tamko hili lilikuwa fupi lakini thabiti, likionyesha hasira yake kuhusu uvumi wa kila wakati. Alieleza kuwa uvumi huo ulikuwa unayaharibu malengo yake ya kazi na kumvunja umakini wake kutoka kwenye malengo yake ya kiutendaji. Tamko lake lilienea haraka na kupata majibu maelfu kutoka kwa wafuasi wake. Baadhi ya mashabiki walimpongeza kwa kuzungumza hadharani na kuhimiza wengine kuheshimu faragha yake. &#8220;Sio kila urafiki lazima uwe wa kimapenzi,&#8221; aliandika mtumiaji mmoja. Hata hivyo, baadhi ya watu walionekana kutokuwa na imani na kauli hiyo. Wengi walieleza kuwa uhusiano wake na Mulamwah ni wa karibu sana na kudai kwamba kulikuwa na &#8220;kitu zaidi&#8221; kati yao. Wengine walikwenda mbali zaidi na kusema kwamba mastaa mara nyingi hukataa uhusiano mwanzoni kisha baadaye kukiri. Jina la Mulamwah pia lilikuwa kwenye mitandao, ambapo mashabiki walijadili kama atajibu tamko la Emillianah au kama ataliacha jambo hili kupita. Hadi sasa, Mulamwah hajatoa tamko lolote.

Emillianah Akataa Uhusiano na Mulamwah - COCO FM 98.9

Emillianah Akataa Uhusiano na Mulamwah

https://backend.cocomedia.co.ke/wp-content/uploads/2025/09/Copy-of-SCREEN-6-scaled.png

Mwanamuziki mashuhuri wa Congo (DRC) Mbila Bel, anaendelea kupata matibabu katika Hospitali Moja Mjini Kinshasa, baada ya Gari alimokuwa akisafiria kuhusika kwenye ajali ya barabarani Septemba 9. Kwa mujibu wa taarifa za vyanzo vya habari mjini Kinshasa, Mama Mbila Bel alikuwa safarini kuelekea uwanja wa Ndege wa N&#8217;djili, ili kuabiri Ndege akiwa na meneja wake wa muziki Jules Nsana ambaye pia alijeruhika Mbila Bel ambaye jina lake halisi ni Marie Claire Mboyo, alitarajiwa kusafiri kuelekea nchini Ubelgiji kuwatumbuiza mashabiki wake katika ukumbi wa Madeleine Jijini Brussels, wakati ajali hiyo ilipotokea, baada ya dereva wake kushindwa kulithibiti gari lao. Hali yake ya kiafya inatajwa kuwa mbaya na anahitaji Kwa dharura huduma za upasuaji na kina mipango ya kumhamishia Hospitali nyingine kwa matibabu zaidi. Mbila Bel alizaliwa January 10 1959 na kupindukia kuwa maarufu kimuziki kunako miaka ya 70 alipojiunga na bendi ya Afrisa international ikiongozwa na Pascal Tabu Ley Rochereau. Miongoni mwa nyimbo zake zilizotoa fora ni pamoja na Eswi Yo Wapi, Tempelo, Mpeve Ua Longo, Faux Pas, Beyanga, Yamba Ngai, Nairobi and Nadina.

Mbilia Bel Anusurika Kwenye Ajali ya Barabarani - Kinshasa - COCO FM 98.9

Mbilia Bel Anusurika Kwenye Ajali ya Barabarani &#8211; Kinshasa

https://backend.cocomedia.co.ke/wp-content/uploads/2025/09/Copy-of-SCREEN_20250912_212214_0000-2.png

https://secure.gravatar.com/avatar/e06b91fd470f74f4173d0e9728002f935a1db1f8b6ba6fd51ad67649f20e6d8a?s=96&d=mm&r=g

Eric Ponda

Mmiliki wa Crack Sound Records, J Crack, amepata pigo kubwa baada ya studio yake kuvamiwa na wezi walioiba vyombo vyake vya studio. Akizungumza na kipindi cha Coco Drive cha COCO FM, msanii huyo alieleza kwa masikitiko jinsi wezi walivyoiba kila kitu, kuanzia vifaa vya muziki hadi mali ndogo ndogo za studio. “Wameiba hadi kufuli ya mlango, computer ya kazi niliyotoka nayo Ulaya, laptop, TV mbili za reception na studio, electric guitar, piano… CCTV nimenunua sasa baada ya kuibiwa,” alisema J Crack kwa majonzi. Kisa hiki kimewavunja moyo wasanii waliokuwa wakifanya kazi chini ya lebo hiyo, ikiwemo Susumila, ambaye pia alikuwa na mradi wake binafsi studioni humo. J Crack pia alidokeza kwamba alikuwa akipanga kuachia EP mpya, lakini sasa mipango hiyo imelazimika kusimama kwa muda kufuatia hifadhi ya EP yake kuibwa pamoja na vyombo vyake. Licha ya kupoteza mali nyingi, J Crack anasema hana mpango wa kukata tamaa. “Mwizi hajanikata miguu. Crack Sound siyo mashine, ni vichwa. Wangenikata kichwa hapo sasa wangekuwa wamenimaliza. Tunaendelea mbele,” alisisitiza. J Crack pia alisema kwamba Susumila ambaye alipata taarifa hizo aliahidi kumsaidia kuwapata walihusika kutekeleza wizi huo akisema kwamba atayashughulikia kinyumbani. “Susumila aliniambie tumuachie yeye, halafu sisi tudeal na polisi,” alisema kwa msisitizo. Mashabiki wa muziki wameeleza masikitiko yao mtandaoni, wakimtakia J Crack na timu yake nguvu mpya na kurejea kwa kasi kwenye game.

#COCODRIVE: Crack Sound Siyo Mashine, Ni Vichwa – J Crack Asema Baada ya Kuibiwa Vyombo Studioni Kwake - COCO FM 98.9

#COCODRIVE: Crack Sound Siyo Mashine, Ni Vichwa – J Crack Asema Baada ya Kuibiwa Vyombo Studioni Kwake

https://backend.cocomedia.co.ke/wp-content/uploads/2025/09/Copy-of-SCREEN-5.png

Mwanamitindo na mtangazaji maarufu kutoka Tanzania, Paula Kajala, hatimaye amevunja ukimya na kueleza sababu za kuachana na msanii nyota Rayvanny. Katika mahojiano ya wazi, Paula alifichua kuwa uhusiano huo haukuweza kudumu kwa sababu ya kile alichokitaja kama kukosa uthabiti na kutoheshimu hisia za wanawake kwa upande wa msanii huyo. Paula alisema kuwa safari yake ya mapenzi na Rayvanny ilikuwa ngumu na ya kukatisha tamaa. “Hajali hisia za mtu yeyote. Alikuwa na Fahima, akaja kwangu, baadaye akaonekana na Feza, na sasa amerudi tena kwa Fahima. Hivyo basi, msishangae kesho mkimuona na mwanamke mwingine. Kwake yeye ni kiki na kubaki trending tu,” Paula alieleza. Kulingana naye, mabadiliko ya mara kwa mara ya msanii huyo kati ya wanawake mbalimbali yalifanya iwe vigumu kujenga mustakabali thabiti wa pamoja. Paula alitumia nafasi hiyo kuonya wanawake wanaotamani kuwa na uhusiano na watu mashuhuri kama Rayvanny kuchukua tahadhari. “Wanawake wanapaswa kuchunguza tabia ya mwanaume kabla ya kuingia kwenye uhusiano. Kwa Rayvanny, mara nyingi huwa ana wanawake kadhaa kwa wakati mmoja,” aliongeza. Kauli za Paula zilisambaa kwa kasi mitandaoni, zikizua mjadala mpana kuhusu changamoto za kuwa na uhusiano na wasanii wakubwa. Wengi walihoji kama maisha ya umaarufu yanaweza kuendana na mahusiano ya kudumu, huku wengine wakiona kuwa tabia ya Rayvanny ni taswira ya changamoto zinazowakabili wanawake wengi wanaojaribu kujenga familia na wanaume maarufu. What do youy think?

Paula Kajala Afunguka Sababu ya Kumtema Rayvanny - COCO FM 98.9

Paula Kajala Afunguka Sababu ya Kumtema Rayvanny

https://backend.cocomedia.co.ke/wp-content/uploads/2025/09/Copy-of-SCREEN-2-1.png

Mwanahabari na mke wa Presenter Kai, Diana Yegon, ameibua gumzo mtandaoni baada ya kuandika ujumbe wa ucheshi uliolenga wanawake wote wanaoitwa Diana. Kupitia ukurasa wake wa Facebook, Diana aliandika: “Good morning to all ladies called Diana. Naskia sifa zetu nzuri nzuri sana. 😁” Kauli hii imetafsiriwa na mashabiki wake kama jibu la kifahari na la utani kwa maneno ya Pastor Ezekiel, ambaye siku za hivi karibuni alizua mjadala mkubwa baada ya kudai kwamba wanawake wenye jina Diana ni wenye tabia zinazoweza kuvuruga ndoa. Katika mahubiri yake, Pastor Ezekiel alisikika akisema: “Ukioa mwanamke anaitwa Diana uishi na yeye, jua yeye ndiye ataku-control kama robot, ndiyo hiyo ndoa idumu… Yeye ndiye atakuwa husband, lakini wewe ukiwa mume, Diana hawezi dumu kwa ndoa… Pia jua ukioa Diana, lazima utashare na watu, sababu jina Diana imebeba mapepo… Hiyo ni ukweli mtupu!!!” Kauli hii ilisambaa kwa kasi mitandaoni, huku ikiwasha mjadala mpana kuhusu imani, mitazamo ya kijamii na namna majina yanavyohusishwa na tabia za watu. Badala ya kuingia kwenye malumbano, Diana aliamua kutumia uchemfu na ucheshi kujiweka mbali na mitazamo hiyo. Ujumbe wake wa “Good morning…” ulionekana kama njia ya: Kujipa nguvu na kuonyesha kujiamini kama mwanamke, Kuwatia moyo wanawake wote wanaoitwa Diana ambao huenda walihisi kushutumiwa na kauli ya mhubiri huyo, Kupunguza ukali wa mjadala kwa kutumia mzaha na mtindo wake wa kawaida wa kuchekesha mashabiki. Mara baada ya posti hiyo, sehemu ya maoni ilijaa vicheko, pongezi na mijadala mikali. Wengi walimpongeza Diana kwa kuchukua hatua ya kugeuza maneno ya ukosoaji kuwa kicheko, wakisema kuwa huo ndio mfano wa kujua thamani yako bila kuyumbishwa na mitazamo ya nje. Wengine walihoji uhalali wa kauli za kiroho zinazohusisha majina na tabia, wakisisitiza kuwa utu wa mtu hautokani na jina lake bali na malezi, maamuzi na imani. Mjadala huu unaakisi hali halisi ya jamii ya sasa, ambapo mitazamo ya kidini, mila na maoni binafsi mara nyingi huibua tafsiri tofauti.Kwa upande mmoja, kuna wale wanaoamini kabisa nguvu za majina, na kwa upande mwingine, kuna kizazi kipya kinachoona jina si kigezo cha utu wa mtu. Kwa Diana Marua, kauli yake imezidi kuimarisha taswira yake kama msanii na mwanamke jasiri ambaye hajivunji moyo na maneno ya kukatisha tamaa.

Good Morning to All Dianas, Aandika Diana Yegon Baada ya Kauli ya Pastor Ezekiel - COCO FM 98.9

Good Morning to All Dianas, Aandika Diana Yegon Baada ya Kauli ya Pastor Ezekiel

https://backend.cocomedia.co.ke/wp-content/uploads/2025/09/Copy-of-SCREEN-1-4.png

Mwanamuziki wa Kenya, Diana Marua, maarufu kama Diana B, amewataka mashabiki wake kuacha wivu na kushirikiana katika kuusukuma wimbo wake mpya Bibi ya Tajiri hadi kufikisha watazamaji milioni moja kwenye YouTube. Wito huu aliutoa kupitia ukurasa wake wa Facebook baada ya kufurahia hatua ya kufikisha zaidi ya 700,000 views ndani ya muda mfupi tangu kuachia kibao hicho. “Cheki Dem 😍😍😍 Kenyans have united once again thanks to #DIANAB 😂😂😂 Don’t be deceived by her looks! She is a Ticking Time Bomb 💣😉 700K+ VIEWS INNIT 🥳 Let’s get #BIBIYATAJIRI to 1M Tuache Wengine Washine Sasa!&#8230;,” aliandika Diana. Wengi walimjua Diana Marua awali kama mke wa msanii Bahati, lakini kupitia jina la kisanii Diana B, ameonyesha kuwa anaweza kusimama peke yake jukwaani. Alipozindua safari yake ya muziki, alikumbana na kejeli, shaka na ukosoaji mkali. Hata hivyo, nyimbo kama Hatutaachana na One Day zilithibitisha kuwa amejipanga kwa safari ndefu. Kupitia Bibi ya Tajiri, amedhihirisha uthabiti wake na kutuma ujumbe wa wazi kwamba anapania kushindana na majina makubwa ya muziki nchini kama Otile Brown, Khaligraph Jones na Bahati. Wimbo huu umegusa hisia za mashabiki kwa jina lake la kipekee na ujumbe wa kijamii unaohusu nafasi ya mwanamke mwenye ushawishi na nguvu za kifedha.Video yenye rangi kali, miondoko ya kisasa na uchezaji wa kuvutia imechangia zaidi kufanya kibao hiki kuwa gumzo mitandaoni. Ndani ya siku chache, Bibi ya Tajiri si tu wimbo, bali mjadalawa kitaifa kuhusu nafasi ya wanawake kwenye muziki wa kisasa na jamii ya leo. Safari ya Diana haiwezi kutenganishwa na msaada wa mumewe, Bahati, ambaye mara kwa mara hujitokeza kumtetea dhidi ya wakosoaji.Ushirikiano wao umeibua picha ya wanandoa wenye ushawishi mkubwa katika tasnia ya burudani ya Kenya.Mafanikio ya Bibi ya Tajiri pia ni kielelezo cha ushirikiano wa kifamilia unaochochea sanaa. Diana ameeleza wazi kuwa changamoto kubwa inayokwamisha sanaa nchini ni wivu na kutoaminiana.Wito wake wa “Tuache wengine washine sasa” ni mwamko wa kuhimiza mashabiki wa muziki wa Kenya kushirikiana badala ya kudidimiza jitihada za wasanii wa ndani. Kupitia kampeni za mtandaoni, changamoto za TikTok na mawasiliano ya karibu na mashabiki, Diana amefanikisha hatua kubwa katika kupanua ushawishi wake.

Tuache Wengine Washine, Wito wa Diana B kwa Mashabiki Wake - COCO FM 98.9

Tuache Wengine Washine, Wito wa Diana B kwa Mashabiki Wake

https://backend.cocomedia.co.ke/wp-content/uploads/2025/09/Copy-of-SCREEN-2.png

Msanii maarufu wa Kenya, Arrow Bwoy, amezua gumzo mtandaoni baada ya kumualika wazi wazi mfanyabiashara kutoka Uganda, Shakib Cham, kwenye pambano la ndondi. Hii imekuja baada ya kipigo cha hadharani ambacho Shakib alipokea kutoka kwa msanii mwenzake wa Uganda, Rickman, hali iliyoacha mashabiki wengi wakisema: “Sasa ata Arrow Bwoy anaweza!” Kupitia video inayosambaa kwenye mitandao ya kijamii, Arrow Bwoy, anayefahamika kwa vibao kama Digi Digi, hakuonyesha woga wowote. Kwa ucheshi, alisema amekuwa akisubiri nafasi kama hii kwa muda mrefu. “Mboga imejileta,” alisema kwa kujiamini, akimaanisha kuwa Shakib amejileta mwenyewe kwenye kipigo. “Chakula kiko tayari. Niko tayari kwa pambano hili.” Arrow Bwoy pia hakusita kumtaja mke wa Shakib, Zari Hassan, akimtaka akae mbali na ulingo siku ya pambano hilo kwa usalama wake binafsi. “Zari, usijisumbue kuja. Hii si sehemu ya wanawake. Usije ukazimia tukapata janga la pili,&#8221; alisema kwa kejeli. Hata hivyo, wakosoaji wake walikumbusha jamii kuhusu video za awali zinazoonyesha Arrow Bwoy akichapwa na polisi wakati wa maandamano ya kupinga mswada wa fedha. Swali likabaki: Je, kweli ana uwezo wa kumpiga Shakib au ni porojo za mitandaoni? Kwa jina la Zari kuingizwa kwenye sakata hili, mvutano umeongezeka na mashabiki kote Afrika Mashariki wanasubiri kuona kama Shakib atakubali changamoto hii ya kihistoria. “Zari, kama unasikia, mtume tu kijana wako aje achukue kichapo — kichapo cha kimataifa,” Arrow Bwoy alimalizia kwa msisitizo. Kwa sasa, macho yote yako kwa Shakib. Je, atakubali changamoto hii na kuweka historia mpya ya burudani Afrika Mashariki?

Mboga Imejileta; Arrow Bwoy Aitisha Pigano Dhidi ya Shakib - COCO FM 98.9

Mboga Imejileta; Arrow Bwoy Aitisha Pigano Dhidi ya Shakib

https://backend.cocomedia.co.ke/wp-content/uploads/2025/09/Copy-of-SCREEN-1-1.png

Mashindano ya CHAN 2024 yakielekea ukingoni, mashabiki wanatarajiwa kupata burudani ya aina yake kutoka kwa baadhi ya nyota wakubwa wa muziki Afrika Mashariki. Kenya, Uganda na Tanzania zitawakilishwa vilivyo kupitia majina makubwa matatu: Savara wa Kenya (mwanachama wa zamani wa kundi maarufu Sauti Sol), Eddy Kenzo wa Uganda, na Zuchu kutoka Tanzania, anayejulikana kwa jina halisi Zuhura Othman. Onyesho hili la kufunga pazia litafanyika sambamba na mechi ya fainali Jumamosi, likitarajiwa kuhamasisha na kuburudisha maelfu ya mashabiki watakaofurika uwanja wa Kasarani. Shoo hiyo inalenga kumaliza mashindano haya ya kihistoria kwa upekee na kiwango cha juu cha burudani. Mbali na kusubiriwa kwa hamu jukwaani, Savara pia amekuwa na mchango mkubwa nyuma ya pazia. Yeye ndiye mtunzi na mtayarishaji wa wimbo rasmi wa CHAN 2024 unaoitwa “Pamoja”. Wimbo huo unashirikisha nyota kutoka kanda hii: Elijah Kitaka wa Uganda na Phina wa Tanzania. Uliimbwa kwa mara ya kwanza katika sherehe za ufunguzi na uliweka ladha na hamasa ya mashindano haya. Ingawa wenyeji wa mashindano haya—Kenya, Uganda na Tanzania—waliishia katika hatua ya robo fainali, fainali za mwaka huu zinaahidi kuwa kilele cha msisimko. Burudani kutoka kwa Zuchu, Savara na Eddy Kenzo itakuwa chachu ya kuhitimisha mashindano yaliyojaa matukio na hisia. Kwa upande mwingine, kumekuwa na malumbano mitandaoni kati ya mashabiki wa Kenya na Tanzania, hususan baada ya timu ya taifa ya Kenya, Harambee Stars, kudondoshwa nje ya michuano hiyo katika robo fainali. Mashabiki wa Tanzania hawakusita kuchokoza wenzao kwa kejeli, jambo lililoongeza ladha ya ushindani wa nje ya uwanja.

#CHAN2024: Savara, Zuchu na Eddy Kenzo Kutumbuiza Fainali ya CHAN 2024 Nairobi - COCO FM 98.9

#CHAN2024: Savara, Zuchu na Eddy Kenzo Kutumbuiza Fainali ya CHAN 2024 Nairobi

https://backend.cocomedia.co.ke/wp-content/uploads/2025/08/Copy-of-SCREEN-3-scaled.png

Msanii nguli kutoka Tanzania, Zuchu, anatarajiwa kutumbuiza kwenye mechi ya Fainali ya CHAN 2024 Jumamosi, Agosti 30, 2025 jijini Nairobi. Kupitia mitandao yake ya kijamii, Zuchu alieleza furaha yake kwa nafasi hiyo kubwa akisema: “Ninafuraha kubwa kutangaza kuwa nitakuwa ndiye msanii mkuu kwenye fainali za mashindano ya CHAN&#8230;.” Fainali hiyo inakutanisha Morocco na Madagascar ambayo iliitoa Kenya kwenye hatua ya robo fafainali. Ikumbukwe kuwa wandaaji wa michuano hii Kenya, Uganda na Tanzania walitolewa nje ya michuano hiyo katika hatua ya robo fainali. Kenya ilitolewa na Madagascar kupitia mikwaju ya penalti baada ya kutoka sare ya goli moja kwa moja huku Tanzania ikifungwa goli moja na Morocco. Senagal waliifunga Uganda goli moja katika dakika ya 62 ya mchezo. Mashindano ya CHAN yanayoshirikisha timu za taifa za wachezaji wanaocheza ligi za ndani, yamekuwa jukwaa kubwa la kuonyesha vipaji vipya vya soka barani Afrika. Mwaka huu, mbali na kivutio cha uwanjani, shoo ya Zuzhu itazidisha hamasa na kuleta burudani ya kipekee kwa mashabiki watakaofurika Uwanja wa Kasarani. Zuzhu, ambaye amejizolea mashabiki kutokana na muziki wake wenye ladha ya kipekee na ujumbe unaogusa mioyo, anazidi kuthibitisha nafasi yake kama msanii anayevuka boda. Onyesho hili litakuwa ishara nyingine ya jinsi muziki wa Afrika Mashariki unavyopata nafasi kubwa kwenye matukio ya kimataifa.

Zuchu Kutumbuiza Kwenye Mechi ya Fainali ya CHAN 2024 - COCO FM 98.9

Zuchu Kutumbuiza Kwenye Mechi ya Fainali ya CHAN 2024

https://backend.cocomedia.co.ke/wp-content/uploads/2025/08/Copy-of-SCREEN_20250827_184658_0000-scaled.png

Kwa zaidi ya miaka 45, Gould David alikuwa uso wa imani ya Kikristo nchini Australia. Akiwa padri wa Kanisa, alihubiri, aliongoza ibada, na akahudumia maelfu ya waumini kwa bidii na uaminifu. Hata hivyo, baada ya safari ndefu ya kiroho, padri huyo wa zamani ametangaza kuachana na wito wa upadri na kujiunga na dini ya Uislamu — uamuzi alioufanya kwa uzito mkubwa na uliojaa tafakuri ya muda mrefu. David sasa anajulikana kama Abdul Rahman, jina alilolichagua ili kuashiria mwanzo mpya katika maisha yake. Kwa mujibu wake, hatua hii si matokeo ya ghafla, bali ni zao la miaka mingi ya tafakari, kusoma na kujiuliza maswali ya kina kuhusu imani na uhusiano wake na Mungu. Tangazo lake limezua mjadala mkubwa katika jamii ya kidini na kijamii. Wapo wanaoliona kama kielelezo cha ujasiri na uthubutu wa mtu kufuata mwongozo wa nafsi yake, bila kujali shinikizo la kijamii au historia ndefu aliyokuwa nayo ndani ya Kanisa. Wengine, kwa upande wao, wameonekana kushangazwa na uamuzi huo, wakieleza kuwa ni jambo gumu kwa mtu aliyeishi kwa miongo kadhaa katika misingi ya dini moja kufanya mabadiliko makubwa namna hii. Hata hivyo, Abdul Rahman anabaki thabiti na msimamo wake. Anasema uamuzi wake ni matokeo ya kutafuta amani ya kiroho na ukweli wa imani ambao ameuona ndani ya Uislamu. “Ni safari ya nafsi, ya tafakuri na ya majibu niliyoyatafuta kwa muda mrefu. Hatimaye nimepata utulivu ninaouhitaji,” ameeleza katika mahojiano mafupi. &nbsp;

Kutoka Padri Gould David hadi Abdul Rahman: Safari ya Miaka 45 ya Imani ya Kikristo Yafika Ukingoni - COCO FM 98.9

Kutoka Padri Gould David hadi Abdul Rahman: Safari ya Miaka 45 ya Imani ya Kikristo Yafika Ukingoni

https://backend.cocomedia.co.ke/wp-content/uploads/2025/08/Copy-of-SCREEN_20250823_185608_0000-scaled.png